DÍA DA POESÍA E A ÁRBORE

 O 21 de marzo celebrouse o día da poesía. Nestes días estivemos a facer actividades con este xénero literario e aproveitamos para conmemorar o día da árbore, que tamén se celebra ese día.

- Obradoiro de poesía (5º e 6º de primaria). 

Combinatoria de versos libres a partir de textos do xornal, escollemos palabras dun artigo e con elas compoñemos poemas.

- Poema flor.

En tiras de papel de cores, escribimos versos formando flores.

- Lecturas de poemas e solta de bolboretas.

Os nenos e nenas de 2º de primaria, fixeron uns poemas e debuxos para agasallar ao alumnado de infantil. A partir dos debuxos creamos uns versos.

A caixa agasallo foi unha gran sorpresa. Bolboretas voadoras que tamén aparecen nos libros de poesía....      A ver se tes sorte de atopalas!

- Poemas Forma, para celebrar o día da Árbore.

Os nenos e nenas de 4º de primaria, déronlle a estes poemas formas da natureza, tamén gravaron un víedo no noso entorno, entre árbores, para celebrar o día da árbore.

- Decoración da palmeira do patio con bolboretas cosidas (material funxible)." Día da árbore"

- College de versos.

Poesía creativa
O alumnado de 3º e 5º de EP escribe poesía combinando palabras escritas por outro autor/a. O primeiro paso é seleccionar unha páxina da revista Papagaio, logo escollen 8 palabras que lles interesen... poñen a traballar a súa creatividade e crean un poema.

- Desconxelamos a primavera.

Os nenos e nenas de 2º de primaria desconxelaron a primavera, descubrindo letras para formar a palabra PRIMAVERA.

CONTACONTOS MUSICAL "O LOBO FELIZ"

 Hoxe os alumnos/as de infantil ata 4º de primaria, disfrutaron dun contacontos musical sobre o conto "O lobo feliz",  amenizado polo escritor do libro, Miguel Guido.

Celebramos así o día "Internacional da narrativa oral".

SEMANA DA PRENSA

 Dende o equipo de biblioteca, señalamos a semana do 9 ao 13 de marzo como "Semana da Prensa", para traballar sobre o xornal, o corpo da noticia, escribir noticias... 

Expuxéronse na cortiza da biblioteca, modelos para compoñer o xornal de LEMUNDI.

E outra exposición de revistas e xornais.

#8M

Con este vídeo creado coa música de Guadi Galego, comezamos a celebración do día da Muller. A nosa homenaxe a todas as Matriarcas, fortes, polifacéticas, resilientes, conquistadoras, brillantes, tenaces, divertidas...

BOLBORETAS PARA COSEDURA. 

Na biblioteca creamos un recuncho de cosedura.

Recortamos bolboretas de cartón coa cortadora láser e tamén imprimimos pezas en 3D.
O alumnado borda a súa bolboreta que logo colgaranse polo centro.

LECTURAS POLA IGUALDADE.

O alumnado de 6º de primaria, durante a semana do 9 ao 13, na biblioteca compartiron lecturas co resto do alumnado do cole. 

Lecturas pola igualdade  dando pé á reflexión.

Despois de ler "Daniela Pirata" de Susanna Isern y Gómez, os nenos/as de 4º de infantil, decoraron o seu pano pirata.

MULLERES IMPORTANTES.

O alumnado debuxou ou escribiu sobre mulleres importantes para ele/as.

POLAS QUE FALTAN.

"Existen Mulleres que fixeron grandes aportación á ciencia, á arte, ás matemáticas, ao deporte, aos dereitos humanos... ocultadas ao longo da historias tralos seus maridos, irmáns, pais, mentores..." Inspirándonos na canción de Mafalda - Las que faltaron o alumnado de 5º e 6º de EP realizou un traballo de investigación para sacar á luz unha pequena mostra de mulleres activistas e investigadoras que, coas súas aportacións, acadaron un mundo máis desenvolvido e igualitario.

Difundamos os seus nomes para que nunca máis falten. Fai clic na imaxe para ver os traballos de investigación do alumnado.

SOMOS MEIGAS

Música & Poesía
Anna e Olivia de 6º de EP, as compositoras desta canción, cantan e acompañan co ukelele.   

SEMPRE ROSALÍA

 O longo da semana do 23 de febreiro, homenaxeamos a nosa "Sempre Rosalía".

- Creación do recuncho de Rosalía.

O alumnado participou, decorando a falda de Rosalía con versos, debuxos, frases...

Detalle da falda

- Exposición de libros de Rosalía.

- Lectura de poemas de Rosalía de Castro, por parte do alumnado de 6º de primaria aos demais cursos.

-  Recitado do poema, "Adiós ríos, adiós fontes" por alumnas de 4º de primaria. Grazas Rosalia!

- Interpretación musical: 

Alumnado de 3º canta e acompaña coa pandeireta: "Eu ben vin estar o moucho" (Cantares Gallegos).

 Alumnado de 6º, canta e acompaña con ukes e pandeiros o poema "Adiós ríos, adiós fontes".

- Mouchiños de 4º de infantil. Decoraron as súas carautas de moucho.

Actividades organizadas conxuntamente polos equipos de: NORMALIZACIÓN E DINAMIZACIÓN LINGÜÍSTICA, ACTIVIDADES EXTRAESCOLARES E BIBLIOTECA.

DÍA MUNDIAL DA RADIO

O 13 de febreiro, celebramos o día Mundial da radio gravando e escoitando música creada por nós. Martina de 3º de EP escribe e canta esta cantiga do Entroido.

Contos fantásticos na radio: O alumnado de 3º celebra o día da radio contando relatos fantásticos que escribiron eles.

DÍA INTERNACIONAL DA MULLER E A NENA NA CIENCIA

 O 11 de febreiro, celebramos o "Día internacional da muller e a nena na ciencia".

...A ciencia e a igualdade de xénero son vitais para alcanzar os ODS, incluidos na Axenda 2030.

Na Biblioteca tedes á vosa disposición unha escolma de libros de divulgación cientifica de mulleres relevantes na ciencia. 

MÁIS INFORMACIÓN    

Retos vinculados á emerxencia climática, ao ciclo da auga e ao medio ambiente.

O proxecto Aqua STEM é un programa educativo que, mediante retos prácticos sobre a auga e usando Lego Education e o ordenador, busca reducir a brecha de xénero e potenciar a confianza no talento das nosas nenas e nenos.

abcdARTE

Inspirándonos no libro ABC Seoane e tomando como modelo as letras do cartel proposto pola Asesoría de BE, deseñamos o noso abcdARTE.

O alumnado crea o alfabeto, diseñando as súas propias tipografías nas retículas e relacionándoas con cadros de diferentes pintores.

Outro libriño, creado polo alumnado de 2º de primaria que foi presentado a 6º de infantil, coa temática do PDI "Animaliños".

Inspirado no libro "Animalfabeto" de Eva Mejuto , Nuria Díaz Valle.

PERSONAXES DO ENTROIDO NA PROVINCIA DE OURENSE

 Seguindo as líneas do PDI deste curso "Animaliños", imos descubrir personaxes do entroido da provincia de Ourense, que leven  na súa vestimenta  animais.

Para informarnos, teremos a disposición na biblioteca, os libros: 

"Os bolechas. O entroido ourensán " de Pepe Carreiro

"É tempo de entroido! de Ramón D. Veiga, David Sierra.

"Non pare a festa" de Ramón D. Veiga, David Sierra.

"Guía ilustrada do entroido galego" de Alba de Evan, Xabier Domínguez. Ilustracións Iria Prol.

Unha vez adquirida a información  podemos poñer a proba a nosa axilidade mental con este xogo de: Relacionar o personaxe co seu lugar.

ENCONTROS CO AUTOR

Hoxe o alumnado de 6º de Primaria tivo o pracer de coñecer ao autor Ramón Domínguez Veiga. Alí falaron sobre o seu libro "Pernascochas", obra pertencente ao itinerario lector deste nivel educativo. Unha mañá moi entretida e interesante.

... Marcelina: ese é o meu nome. E esta é a miña historia. Ou parte dela. Un anaco

de vida que non durou nin unha semana, pero que algo me di que vai ser difícil de

esquecer. Ou, se cadra, imposible.»

Pernascochas é unha novela sobre o poder da amizade, os sentimentos e, alá no

fondo, tamén sobre o primeiro amor.

Actividade organizada polo Concello de Ourense.

RETO DA CANDELORIA

 Sabes que é a Candeloria ou "Festa da Luz" ?

Celébrase o 2 de febreiro para festexar que a natureza comeza a revivir e que as aves, símbolo do amor e renovación, empezan a buscar parella para reproducirse. (Curiosidade PDI "Animaliños").

Dende a Biblioteca, propoñemos : RETO DA CANDELORIA

Anímate e participa!

APERTAS QUE VOAN

Escribe algo bonito, deseña o teu avión e ... 

Vémonos todos/as no patio para voar os nosos avións.

Equipo de: Actividades Extraescolares e Biblioteca.

CONTACONTOS POLA PAZ

 Ao longo desta semana, na Biblioteca, celebráronse varios contacontos sobre os libros

"A manchas ou a Raias" de Estefanía Padullés. (4º de Infantil)

"Sete dentes de león" de Ledicia Costas, ilustrador : David Sierra Listón. (Infantil, 1º e 2º de Primaria)

"Liorta no cole" Mediente un reto, terás que ordenar as láminas para ser contadas no Kamishibai. (4º,5º e 6º de primaria)

Os nenos e nenas do club de lectura: "Un, dous, tres 4º a ler" continúan traballando,  as mensaxes do libro que leron "O Principe feliz" de Óscar Wilde. Elaboraron un libriño no que trataron varias materias curriculares e sobre todo VALORES como: A amizade, a compaixón. o sacrificio, o altruismo, a empatía... Tamén expuxeron as súas ideas aos demáis compañeiros/as da clase.

NORMAS DE USO DE TABLETS E DISPOSITIVOS PORTÁTILES NA BIBLIOTECA.

 Xa tedes na Biblioteca, á vosa disposición tablets e dispositivos portátiles para facilitarvos a búsqueda de información en formato dixital.

É moi necesario que cumprades as NORMAS de uso.

BÚSQUEDA DE INFORMACIÓN ALFIN-AMI

 Sabes buscar información? nós podemos axudarte con iste gráfico.