NOVEMBRO, MES DA CIENCIA

 Dende o 19 ao 28 de novembro, a Biblioteca convirtiuse nun espazo de observar, fedellar, experimentar e aprender coa ciencia. Utilizamos como tema dinamizador a temática do PDI deste curso "Animaliños".

Recuncho de pequenos científicos-experimentos.

Neste recuncho os nenos e nenas, experimentaron e obtiveron respostas ao 

por que?

Da flotabilidade de obxectos, impermeabilidade das plumas, elasticidade dos ósos cando permanecen un tempo en vinagre, a graxa dos animais do artico como illante térmico, camuflaxe, hidratación da algas e observación de cambios físicos, flotabilidade da mandarina pelada pola forza centrípeda, observación de radiografías de animais…

Recuncho escribimos ciencia.
Propostas:

- O meu animal favorito…
- Descubrimos un novo animal… en noticia ou comic.
- Artigo de divulgación ou infografía dixital, sobre un animal investigado.
- Deseñar animais con superpoderes
- Inventa animal, deseñar híbridos funcionais e explicar a súa bioloxía.
- Creae unha linguaxe animal secreta con símbolos e sons.

Recuncho investigadores do coñecemento.
Exposición de libros en préstamo sobre ciencia.

Recuncho pequenos exploradores-Robótica
Descubre, programando o escornabot: animais polo nome, polos ollos, pel, pegadas…

Paso polos diferentes recunchos.

Nas clases de ciencias tamén fixemos experimentos e propostas STEM:

- Por que hai insectos que camiñan pola auga sen afundirse? - Tensión superficial da auga
- A auga que vai costa arriba - capilaridade
- As flores que se tinguen - capilaridade e vasos condutores das plantas.
- A clara que non cae - desnaturalización da clara. A función plástica das proteínas.
- O ovo saltarín - reaccións químicas e ósmose .
- Microscopio e células.
- Creación dun horto e corte coa cortadora láser dos carteis indicadores das sementes plantadas.

- Construción dun dique con Lego - STEM

Información curiosa e sorprendente

#25N

O 25 de novembro, coñecido como o Día Internacional pola Eliminación da Violencia contra as Mulleres, é unha data de gran relevancia en todo o mundo. Esta xornada busca concienciar á sociedade sobre a violencia de xénero e promover accións para erradicala en todas as súas formas. Realízanse diversas actividades, como manifestacións, charlas e talleres, co obxectivo de sensibilizar á poboación e apoiar ás vítimas. Ademais, esta data serve para lembrar a importancia de protexer os dereitos das mulleres e garantir a súa seguridade e benestar.

Nós a través dos contos promovemos a igualdade

Breixo, alumno de 6º, leu ao alumnado de 2º o conto "La princesa No" de Martín Badía.

Exposición de libros sobre temática de igualdade, e xogo de camuflaxe (novembro mes da ciencia).

1ª CITA, CLUB DE LECTURA "PINGAS LECTORAS"

 O club de lectura de 5º de primaria, reuniuse para comentar o libro: "Neko" de Eva Mejuto.

Pola temática tratada no libro (Violencia de xénero) deunos para  sensibilizar, reflexionar... creando unha receita para a igualdade.

RADIOTEATRO DE SAMAÍN

 O club de lectura "Os fabulos@s", gravaron na radio, uns podcasts teatralizados, basados no libro "Medo me da" de Ramón D. Veiga.

- "Unha pantasma na lavandería".

- "Catuxa e a esteticista". 

1ª CITA, CLUB DE LECTURA "OS FABULOS@S"

 O club de lectura de 6º de primaria, reuniuse para comentar e debater varios contos de Oscar Wilde. Chamaron a súa atención personaxes coma o xigante egoista, o principe feliz e o foguete fachendoso.

A próxima lectura será: "Lúa do Senegal" de Agustín Fernández Paz.

DÍA DAS BIBLIOTECAS

Que mellor maneira de celebrar o "día das bibliotecas"... na nosa Biblioteca e con Sabela Gago, que dixo que a nosa biblioteca era acolledora e viva. Pois viv@s e participativ@s nos fixo sentir  coa historia de "Irene e o seu soño".

Tamén o longo da semana desenvolvéronse diversas actividades na biblioteca coa temática do PDI deste curso "ANIMALIÑOS":

ACTIVIDADES PARA OS DISTINTOS NIVEIS:

PRIMARIA

- Escape room interactivo, "Reto na granxa".

- Xogo co beebot para atopar animais iguais.

- Xogo matemático con animais ovíparos.

- Busca e atopa no cartaz os animais, segundo a descripción.

- Oca animal

- Marcapáxinas de papiroflexia

- Rosco de pasabalabra con nomes de animais.

- Chega co escornabot ata o debuxo do animal descrito.

- Reto animado.

- Concurso vertebrado.

- Descubre a miña mascota coloreando.

- Mi amigo Elmer.

- Papiroflexia de animais.

- Tangram de animais.

- Sopa de letas deanimais.

INFANTIL

- Contacontos: ¿ Que seré cuando crezca?, Nicola Davies.

- Xogo, ordenar secuencias do conto.

- Decoración de ovos sorpresa, para adiviñar na mesa de luz.

- Xogo de adiviñar animais polo tacto.

- Xogo libre de cabanas e animais.

MOCHILAS VIAXEIRAS

 Hoxe conmemorando o día das BIBLIOTECAS, poñemos en marcha as mochilas viaxeiras en infantil.

As mochilas van cargadas de contos de aventuras, emocións, información, cociña, manualidades, inglés, revistas, xogos... e un caderno de actividades para facer en familia.

Permanecerán na casa 15 días, pasado ese tempo, regresarán ás aulas para ver e contar a experiencia aos seus compañeir@s.

Que disfrutedes moito!

PRESENTACIÓN DOS CLUBS DE LECTURA

Arrancan os clubs de lectura de 6º, 5º e 4º de primaria, reuniránse de seguido para comentar os libros elexidos:

- Os fabulos@s (6º de primaria).

 

"O XIGANTE EGOISTA E OUTROS CONTOS", Oscar Wilde.

Este libro reúne os contos máis fermosos e conmovedores de Óscar Wilde, os seus relatos máis preñados de valores morais. Os protagonistas destes contos alcanzan a felicidade e o amor cando, renunciando ao egoísmo, móstranse amables e xenerosos e preocúpanse polo ben dos demais.

- Pingas lectoras (5º de primaria)

"NEKO", Eva Mejuto.

Unha tenra historia para tratar, desde a ollada dunha nena, as consecuencias da violencia de xénero.Neko é un canciño rescatado dun contedor do lixo por Xoana que se converte no seu mellor amigo e no seu confidente. Con el fala dos seus sentimentos e vivencias de violencia.

- Un ,dous, tres, tod@s a ler (4º de primaria)

 

"LA MARAVILLOSA MEDICINA DE JORGE", Roald Dahl.

Jorge, empeñado en cambiar a su desagradable abuela, inventa una maravillosa medicina con la que consigue transformarla. Pero nada resulta como Jorge esperaba. Los animales de la granja tambien toman la medicina, y las situaciones más disparatadas no se hacen esperar.

COÑECE A NOSA BIBLIOTECA

GUÍA DE LECTURA PARA O VERÁN

 

CITA CLUB DE LECTURA

 O Club de lectura "Páxinas en Branco" de 6º de primaria, despide este curso coa lectura e coloquio do libro "Invisible" de Eloy Moreno.

Todos os membros do club, estiveron moi sensiblilizados co problema de Bullying, que cada vez está máis presente na sociedade e  gravaron un "Spot" contra o Bullying.

Recibiron un agasallo pola súa implicación.

REPOSICIÓN DE ABECEDARIOS NA BIBLIOTECA

 

Estamos a repoñer e colocar os novos abededarios na biblioteca, coa cortadora e gravadora láser fixemos os deseños.

"O CAMIÑO" de Marisa Núñez.

 Os nenos e nenas de 1º de primaria, interpretaron e ilustraron o conto de Marisa Núñez " O Camiño", en Kamishibai.

TEATRO "CONTO XAPONÉS"

 O club de lectura de 5º de primaria, representou na Biblioteca, un conto xaponés para o alumnado de 1º, 2º e 3º de primaria.

FIN DA AVENTURA

 

CONTADA DINÁMICA E OBRADOIROS CON SABELA GAGO

"O Lápis de Martín"                                                                   

É unha contada dinámica onde o alumnado de infantil, 1º e 2º de primaria, participa activamente con pequenas coreografías e sons, seguindo as indicacións da dinamizadora (Sabela).

Martín está moi aburrido e a súa amiga Martina ensínalle o poder da imaxinación.

Os nenos e as nenas descubrirán o seu bolsillo máxico e todo o que esconde no seu interior.

Despois desta contada os nenos e nenas de 2º de primaria, fixeron con Sabela:

Obradoiro de xogo dramático.

Xogando co corpo e a voz fixemos posturas abertas e pechadas.....en distintos planos no espazo.....individuáis, en parellas, en pequeno grupo,en gran grupo. E rematamos facendo co corpo o noso lápis.

Obradoiro creativo. Cada alumno e alumna decora nunha cartulina o seu lápis empregando diferentes grafías para que todos sexan diferentes dependendo da creatividade individual.

Moitas grazas Sabela polas boas prácticas !

CITA CLUB DE LECTURA

 O club de lectura de 3º de primaria, despois de ler "Un tirón no rabo "  de varios autores. Comentou cales foron os seus contos favoritos desta antoloxía.

A próxima cita será para ler e comentar "O peto máxico" de Roberto Piumini.

AS LETRAS DAS CANTAREIRAS

O Día das Letras Galegas de 2025 dedícaselle ás cantareiras e á poesía popular oral. Hoxe no CEIP VISTAHERMOSA, cantamos e bailamos cantigas tradicionais e danzas de roda.

ENDL, ACTIVIDADES EXTRAESCOLARES E BIBLIOTECA.

AUDIOCONTO O MONSTRO DAS AUGAS NEGRAS. Conto xaponés

No Proxecto Documental Integrado deste ano "Pequemundi", o alumnado de 3º representa a Xapón e aquí vos deixan un AUDIOCONTO sobre os recolectores de perlas e os perigos dos mares. O monstro das augas negras. Len por orden de intervención: Carla, Daniela, José Antonio e Noa.

CLUB DE LECTURA "PÁXINAS EN BRANCO"

A actividade do club de lectura do segundo trimestre realizouse do seguinte xeito:

En pequenos grupos elexiron un libro para ler, fíxose unha breve exposición do libro entre os membros do grupo para os seus compañeiros/as e logo idearon unha actividade creativa sobre a temática do libro como: Booktrailer, cartel, obradoiros ( manualidades, monicreques, cociña, comic, costura, xogos...)

 Así foi a experiencia.

NOITE DE CANTOS

 XOGO DE ROL no que o alumnado de 5º e 6º de EP se mergulla no mundo dos fiadeiros galegos descubrindo a música, a danza e o papel fundamental das mulleres na nosa tradición oral.

Cada equipo tomou o papel dunha Pandereteira de Mens: Teresa, Prudencia, Asunción e Manuela e foi superando 8 retos musicais, de interpretación, recoñecemento de instrumentos, vestimenta, ritmos e moito máis.

FIADEIROS QUE VOLVEN A VIDA NAS AULAS - Obradoiro Impartido pola  Academia As Curuxas

ABRIL MES DO LIBRO

 Ao longo do mes de abril, fixéronse diferentes actividades para homenaxear a un bo compañeiro de aventuras "O libro".

Reto "Entra na Biblioteca"... Pero antes de entrar terás que resolver as seguintes propostas:

- "Busca-Palabra literario"

Dándolle a volta ao concepto de "escape room", nesta ocasión hai que coñecer títulos ou personaxes para poder entrar na biblioteca. Cada letra do "Busca-palabra literario", leva aparellada unha pista. Primeiro haberá que pensar, resolver e entrar.

- "Código secreto": Resolve cambiando cada letra pola seguinte do alfabeto galego.

- "Crebacabezas de títulos de contos": Recompón os títulos cos que formarás as seguintes portadas.

Padriños e Madriñas lectoras.

Disfrutamos de lecturas compartidas no patio

Visita da Dra Cecilia.

Xa fai uns anos que nos visita a Dra Cecilia, ven revisar as Bibliotecas de Aula de Infantil, vacunar contra as malas prácticas e mal uso dos libros.

Dicir que este curso en todas as aulas os libros estaban moi ben ordenados e coidados. Todas levaron o máximo certificado: CORAZON VERDE.

A VACUNA FUNCIONA!!

Radio na escola. Cuña publicitaria... LIBROS PARA QUE?

 

FELIZ DÍA DO LIBRO!

OBRADOIRO DE TEATRO

 O teatro desenvolve nos nenos e nenas a creatividade, empatía, confianza, traballo en grupo, expresion oral, corporal, emocional... 

Neste obradoiro exploráronse as habilidades corporales, de movemento, imitación, mímica...

CITA CLUB DE LECTURA

 O "Club de lectura de 3º de primaria", despois de ler varios contos de diferentes países.

 Comentaron o libro "Un tirón  no rabo" de M. Hoffman.

...Que acontece cando un lobo comellón pretende papar a ovella máis repoluda? E cando un raposo presume da súa velocidade diante dun caranguexo? Neste libro reúnense once divertidas historias de animais, nas que o lector descubrirá que se un se pasa de listo, é demasiado cobizoso ou se comporta coma un farfallán, pode saír bastante malparado.

Este club atopou solucións moi imaxinativas.

DÍA DA POESÍA

... O 21 de marzo celébrase o Día Mundial da Poesía, declarado pola UNESCO en 1999, para apoiar a diversidade lingüística a través da expresión poética e aumentar a oportunidade de escoitar as linguas en perigo de extinción.

O alumnado de 3º de primaria, visitou a exposición de obras de arte, inspiradas en Yayoi Kusama, creadas polos nenos e nenas de 1º de primaria (dentro do PDI, Xapón). Despois reorganizaron versos soltos de haikus, para recompoñer poemas.

Creando poemas

Trabalinguas e poesía

CONTO TEATRALIZADO"

 " O Don da Tartaruga", Versión de Don Lari, un Conto de Zambia.

 Interpretado polo Club de lectura de 4º de primaria, para o alumnado de infantil co motivo do desenvolvemento: Proxecto de África.

CON MARÍA CANOSA NO CEIP VISTAHERMOSA

A escritora María Canosa, visitou hoxe o noso cole para charlar co alumnado de 3º e 4º de "O que nunca che contaron" un libro que aclara moitos misterios. Nunca nos contaron quen amaña as estrelas, quen elixe as onomatopeas, quen adestra ás bolboretas ou a quen se lle ocorren os inventos... Despois da lectura e da entrevista que lle fixemos quedounos todo moito máis claro.

Fai clic no botón para escoitar a entrevista, 

feita polo alumnado de 4º EP á autora.

EU LÍA, TI LÍAS, EL LÍA, ELA ROSALÍA

 ... O 23 de febreiro, celébrase o nacemento de Rosalía de Castro, escritora galega que ocupa un lugar moi relevante nas letras europeas do século XIX. 

Dende a Biblioteca, celebramos o seu nacemento, por todas as aportacións á cultura, pensamento crítico e intelectual, manifestos feministas...

Na entrada do colexio, fixemos unha exposición de poemas de Rosalía, plasmados en "Libros intervidos".

A impresora 3D e cortadora-gravadora laser láser, estiveron sen  parar fabricando  marcapáxinas dos seus poemas.

Tamén coa cortadora-gravadora láser fixéronse crebacabezas en cartón, a partir de debuxos feitos polos nenos e nenas, sobre poemas de Rosalía de Castro.

En Infantil, transformouse a Rosalía en Africana, seguindo o PDI deste curso.

Escolma de Poemas de Rosalía de Castro