CONTACONTOS CON SABELA GAGO

 Hoxe recibimos na nosa biblioteca a Sabela Gago, veunos  contar un conto moi viaxeiro e animado.

Grazas Sabela polo ben contar!

RECOMENDACIÓNS LECTORAS PARA O VERÁN

 

CLUB DE LECTURA

 Nesta sesión, reuníronse alumnos de 4º de primaria, para comentar varias fábulas de Esopo, que lles gustaron moito; tamén leron un diálogo: "O cascabel do gato" .

PETISCOS PARA PICAR

 Xa estamos rematando o curso e que mellor maneira de celebralo que con estes deliciosos

petiscos que nós mesmos elaboramos. Preparamos un delicioso zume de limón e comprobamos o aprendido na clase de matemáticas, sobre medidas e capacidade.

BO PROVEITO!

CLUB DE LECTURA

Voluntarios/as de 2ºP, xuntáronse nunha sesión para comentar, debater e escenificar no teatrillo o libro: 

"MAO TIANG Pelos Tesos" de Monserrat Del Amo

... Na afastada China está a ocorrer algo extraordinario: a Vella Emperatriz convocou un concurso entre todos os habitantes do Imperio para elixir o que vai ser o futuro Emperador e o home da princesa Yin Li.

Os apirantes chegan por centos, por milleiros, ante as portas do Palacio Imperial.Mao Tiang Pelos Tesos, un mozo coidador de parrulos, é sen dúbida o máis humilde, torpe e despistado de todos eles…, aínda que o seu espírito optimista, valente e xeneroso talvez nos reserve algunha sorpresa.

CASA EN 3D

 Unha casa foi o que construíron os alumnos/as de 2ºP, troquelando e utilizando as pezas dun quebracabezas en 3D.

ACHEGÁNDONOS Á PREHISTORIA

 Asi foi como o alumnado de 2ºP, fixo un pase pola prehistoria: recreando as súas pinturas, elaborando utensilios e creando a través de elementos naturais (pedras), animais prehistóricos.

EXPRESION ORAL

 Os nenos/as de 1ºP, inventaron un pequeno conto para traballar e mellorar a expresión oral,  representáronno nun teatro de sombras que eles/elas mesmas contruíron.

TEATRO ESCOLAR

 Para conmemorar o día das "LETRAS GALEGAS", o club de lectura "Páxinas en branco" de 5º de primaria, representou para todo o colexio a obra de teatro: A VENDEDORA DE PALABRAS de Raquel Castro Martínez.

Club de lectura: " Páxinas en Branco"

PARABÉNS !!

23 DE ABRIL, DÍA DO LIBRO.

 Ao longo deste mes para conmemorar o "Día do Libro", fomos realizando actividades relacionadas coa lectura, o xogo e a creatividade.

- XOGO TRIVIAL DUN CONTO TRADICIONAL: "O gato con botas".

Os gatos móvense polo taboleiro contestando preguntas para conseguir a capa, o sombreiro e as botas.

- PERSONAXES DE CONTOS SAÍDOS DA PLATILINA e inspirados en: Cuentos de plastilina "Hansel y Gretel".

- OCA 1, 2, 3 ... A INVENTAR OUTRA VEZ.

Cada xogador/a vai anotando as palabras por onde vai avanzando no taboleiro, combinando esas palabras formulará unha breve historia.

- HISTORIAS ENCADEADAS:

Os participantes enlazan as oracións, parágrafos e asi forman Historias Encadeadas.

- APADRIÑAMENTO LECTOR. 

Un ano máis os miores do cole fixeron de padriños e madriñas lectoras cara os máis pequenos.

-  VISITA DA Dra.  CECILIA. 

Tódolos anos polo "Día do libro" a Dra. Cecilia, visita as aulas de 4º, 5º e 6º de infantil, co fin de comprobar a saúde la biblioteca de aula. Este ano conseguiron o certificado - CORAZON VERDE BRILANTE- Iso significa que aos nenos/as de infantil lles gustan os libros e coidan deles. Tamén lles puxo unha vacuna para que o encargado/a do día se acorde de ordenar a bilbioteca.

- O MEU LIBRO FAVORITO...

Así ilustraron os nenos/as de infantil o seu conto favorito

- RETO : Cantos contos coñeces ti?

Na entrada da biblioteca tes un reto sinxelo se queres conseguir un libro, só tes que escribir os títulos de contos que aparecen no panel, poñer o teu nome, o curso e entregalo á coordinadora da Biblioteca. ANÍMATE!!

- A BIBLIOTECA  ESCOLAR ... Espazo para ler, xogar e crear.

Os nenos/as de infantil desfrutaron dunha sesión de xogos na biblioteca

FELIZ DÍA DO LIBRO!

- MATERIAL INCLUSIVO PARA IMPRIMIR: XOGO DA OCA, BINGO E DOMINÓ con pictos e contos.

PRESENTACIÓN DO LIBRO "A NENA E O AVÓ"

Briana, alumna da clase de 1º de EP, é a protagonista do conto musicado "A nena e o avó". Con motivo do día do libro presentounos o conto e compartimos unha das cancións incluídas no libro. Fai click na imaxe para escoitar a canción.

Tedes á vosa disposición, na biblio do centro, o conto musicado "A nena e o avó", onde Briana e o seu avó nos descubren un mundo máxico cheo de trasnos, meniñeiros, nubeiros.... 

VERBATECA- LABORATORIO DE PALABRAS

Esta actividade forma parte do programa educativo do concello de Ourense, realizada no noso centro para nenos/as de  infantil.

Xogando, traballouse a observación, memoria, expresión oral e corporal, coordinación e coñecemento de palabras da nosa lingua sobre diferentes temáticas...

Esta actividade ten como obxectivos:

Potenciar o traballo en equipo.

Aumentar o vocabulario.

Crear unha comunicación afectiva e directa na que os alumnos e alumnas participen activamente.

Manter unha boa actitude de escoita.

Motivar á lectura por medio da oralidade.

Fomentar a imaxinación e a creatividade.

CITA CLUB DE LECTURA

 Un grupo de nenos/as de 2º de primaria participou nunha sesión do club de lectura, con debate e xogos relativos ao libro de Jacobo Fernández Serrano "Avoa Power" 

Se ledes o libro tamén podedes xogar a atinar as preguntas.

MOCHILAS VIAXEIRAS

 Remata a actividade "Hora de Ler" (6º de infantil), coas mochilas viaxeiras que estiveron funcionando ao longo dos trimestres.

 "A mellor lectura, desfrútase en familia"

A actividade consistía en realizar no bloc en colaboración coa familia un debuxo, receita, manualidade, fotografía, texto...  

Estas son as vosas creacións!

VISITA Á BIBLIOTECA DO NOSO ENTORNO

 O alumnado de 2º de primaria , visitou a biblioteca municipal da Ponte. 

A bibliotecaria, explicoulles como identificar os libros dos andeis. Despois a cativada participou nunha animación á lectura e tamén desfrutaron dun tempo libre de lectura.

ESPECTÁCULO DE MAXIA

 O mago Paco, sorprendeunos co seu espectáculo de maxia.

 ....Que pasa cando se xuntan as historias dos contos coas palabras máxicas dos magos? Pois a maxia apodérase dos contos e os contacontos convírtense en "Contamaxias"

PREME NA IMAXE  para ver algúns dos mellores momentos

MES DA POESÍA

OBRADOIRO DE POESÍA: Materiais e recursos para traballar a poesía creativa.

-  1,2,3 ... a escribir campo a través. Obradoiro de Poesía como actividade de escritura creativa: Inventaron acrósticos con cadanseu nome, completaronversos con anáfora e plasmaron en imaxes un poema de Leire Bilbao.

-   Lecturas expresivas por divertimento.

- Versos monstruosos, con pezas de cartolina. Encontra a túa combinación, hai moitas posibilidades.

- Poesía e natureza.

PREME NA IMAXE Para ver un poema musicado

17 de MARZO, DÍA DA BANDA DESEÑADA

 Para conmemorar este día, o alumnado despois de ver o video sobre este conto en inglés: "The Good Egg", de Jordy John e peete Oswald; traballou en equipo para pasalo a banda deseñada. Unha historia relativa á convivencia entre iguais. 

Como actividade creativa final, decoraron oviños para representar aos personaxes do conto.

- Obradoiro de: Banda deseñada.

#8M

GAITEIRAS LAPBOOK                      

Con este libro interactivo desenvolven distintas habilidades STEAM, rompendo cos estereotipos de xénero e potenciando un achegamento ao ámbito científico-tecnolóxico soldando e cableando circuítos eléctricos dun xeito creativo e estético.

Libro de lapelas sobre Ángeles Alvariño. Precursora da oceanografía. Nada nun pequeno pobo da costa de Galicia, Ángeles Alvariño foi unha amante do mar que dedicou toda a súa vida á investigación e divulgación do mundo dos océanos. Alvariño é a única científica española mencionada na prestixiosa Enciclopedia of World Scientists, unha publicación onde aparecen os mil científicos mundiais máis importantes de todos os tempos.

 

Entre estas 140 biografías, cantas mulleres aparecen?

Podes sorprenderte... A resposta é nove.

PREME NA IMAXE para ver máis

2ª CITA CLUB DE LECTURA

O club de lectura "Páxinas en Branco" (5º de primaria), reuniuse para comentar o libro: "Perigo vexetal" de Ramón Caride.

Todos/as as participantes coincidiron en que elexiron este libro pola temática pero a lectura do libro fíxoselles pouco amena.

ANIMACIÓN Á LECTURA E SENSIBILIZACIÓN MEDIOAMBIENTAL.

Actividade ofertada polo concello de Ourense: "Conta coa natureza, incendios forestais".

Esta temática foi tratada pola escritora do libro, a través do conto teatralizado: "Xela, a superheroína da aldea" de Inma Soto.

Un conto sobre a nosa natureza, que pon en valor os nosos recursos e busca que os nenos/as coiden o entorno natural.

Coa finalidade tamén de animar ao alumnado o interese por lecturas desta temática.

MUSICANDO POEMAS DE ROSALÍA DE CASTRO

Non hai mellor xeito de celebrar que cantando. O alumnado de 5º e 6º versiona poemas de Rosalía dun xeito moi creativo. Queres escoitalos? Estes son os poemas e as músicas empregadas:

Lugar máis fermoso: Doraemon

Alborada e Adiós ríos e adiós fontes: Bases de Rap

Nacín cando as plantas nacen: Lola Índigo (Casanova)

Acompañan as cancións con instrumentos construídos con diferente material de refugallo.

Ademais desta actividade, realizáronse moitísimas máis para conmemorar o DÍA DE ROSALÍA

#11F día da Muller e a Nena na ciencia

 Para conmemorar este día o alumnado de 4º de primaria, realizou un obradoiro: "Computando cunha soa man".

Linguas de Ra, 

Sabíades que a arma secreta das ras é a súa saliva?

A saliva das rás é un fluído Non Newtoniano xa que a súa viscosidade depende da velocidade.
Outros exemplos de líquidos non newtonianos son: as areas movedizas, o xel, o sangue, o iogur, o mel, a pintura... que poden comportarse como sólidos ou líquidos en función da presión que lle apliquemos.

Esta actividade ten como finalidade mostrar o traballo de enxeñeiras e científicas da USC nas disciplinas coñecidas como STEM e o recoñecemento ao papel clave que desempeñan na comunidade científica e na tecnoloxía. Visualizamos varios vídeos de obradoiros con diferente temática e o alumnado de 4º experimentou cos fluídos e as súas propiedades.

EN-cuadra-2

As familias do alumnado de 2º de primaria, visitaron a exposición de debuxos: EN-cuadra-2. Para crear estas obras os nenos e nenas inspiráronse en cadros de Picasso, Matisse, Teresa Pajares e outros artistas modernos.